Навоий вилоятида арзимаган ҳолат сабаб пичоқбозлик юзага келди. Бу ҳақда EVERYDAY.UZ мухбири хабар қилди.
Маълум бўлишича, шу йил 25 март куни тунги соат 02:30 ларда ака-ука 30 ёшли Жалолиддин ва 27 ёшли Жамолиддинлар “Нексия”да кетаётганда “Малибу”нинг 28 ёшли ҳайдовчиси Умид билан жанжаллашиб қолган. Улар бир-бирига “нега ўқраясан” дея жанжаллашиб, йўл четида тўхтаган. Натижада ака-укалар Умиднинг оёқ сон соҳасига пичоқча билан жароҳат етказган.
Ушбу ҳолат юзасидан ака-укаларга ЖКнинг 277-моддаси 2-қисми “а, Б, в” банди (Безорилик, яъни бир гуруҳ шахслар томонидан совуқ қурол билан баданга ўртача оғир шикаст етказиш) билан жиноят иши қўзғатилган. Тергов ишлари олиб борилмоқда.
