Фарғона вилоятида фуқародан қарз олиб, уни қайтармаган Тожикистон фуқаролари калтакланди. Бу ҳақда ИИВ Тергов департаменти хабар қилди.
Маълум бўлишича, тожикистонлик 33 ёшли Жамшиджон У., ва 34 ёшли Вали М.лар Учкўприк туманида яшовчи 26 ёшли Мақсуджон А.дан 7200 долларлик трикотаж маҳсулотларини олиб, пулларни қайтариб бермаган. Шундан сўнг Мақсуджон танишлари 37 ёшли Муҳаммад Х. ва 36 ёшли Жаҳонгир У.ларга мурожаат қилиб, пулни олишда кўмак сўраган. Муҳаммад ва Жаҳонгирлар қўшни давлат фуқароларини ташландиқ жойга олиб бориб, пулни беришни айтиб, дўппослаб, ўлдириш билан қўрқитган.
Ушбу ҳолат бўйича ЖКнинг 112-моддаси 1-қисми (Ўлдириш ёки зўрлик ишлатиш билан қўрқитиш) билан жиноят иши қўзғатилган. Гумонланувчлилар ушланган. Ҳозирда тергов давом этaётгани маълум қилинди.
