Қорақалпоғистон Республикасида жойлашган Шихи Жалил зиёратгоҳида содир бўлган воқеа видеоси тарқалди. Видео телеграм каналларда эълон қилинди.
Видеода бир йигитнинг тепаликдан қулаб тушганини ва у томон одамлар югуриб борганини кўриш мумкин. Маълум бўлишича, ҳодиса 11 апрель куни содир бўлган. Йиқилган йигит асли хоразмлик 19 ёшли B.И. экани маълум бўлган. Йигит йиқилгач шифокорлар келган, лекин фуқаро улар билан гаплашиб, ўз ҳудудидаги шифохонага боришини айтган.
Зиёратгоҳ масъулининг айтишича, ўша куни воқеа содир бўлган ҳудудда бир неча фуқаролар сакраб суратга тушаётган бўлган. Йигит ҳам айни шу сабабга кўра қулаб тушган бўлиши мумкинлиги таъкидланмоқда. Маълум қилинишича, шунга ўхшаш ҳолат 8 апрелда ҳам содир бўлган. Ўша куни бир қиз эҳтиётсизлик натижасида жароҳат олган.
