Маълум бўлишича, ҳодиса кеча, 19 апрель куни соат 23:30да содир бўлган. ЙТҲ Беруний кўчасидаги «Тинчлик» метро станцияси яқинида юз берган. Унинг натижасида Nexia’нинг 23 ёшли ҳайдовчиси шифохонада, Matiz’нинг 25 ёшли ҳдайовчиси эса воқеа жойида ҳалок бўлган. Nexia ичида бўлган 24 ёшли йўловчи эса шифохонада экани айтилмоқда.
Бошқарманинг хабар қилишича, ҳодисага Nexia ҳайдовчисининг тезликни оширгани сабаб бўлиши мумкин. У қарама-қарши йўлга чиқиб, Matiz билан тўқнашгани айтилмоқда. Ҳолат юзасидан ЖКнинг 266-моддаси 3-қисми билан жиноят иши қўзғатилган. Тергов ҳаракатлари олиб борилмоқда.
