Хабарингиз бор шу йил 28 апрель куни Тошкент метросида навбатдаги кўнгилсиз ҳолат юз берди. Ҳодиса видеоси тармоқларда кенг тарқалиб, унда йўловчилар туннел бўйлаб юрганини ва поезд тўхтаб қолганини кўриш мумкин.
«Тошкент метрополитени» корхонаси ўша куни аслида нима юз берганини очиқлади. Маълум қилинишича, «Буюк ипак йўли» — «5-бекат» йўналишида ҳаракатланиб кетаётган поезд машинисти «Миллий боғ» ва «Novza» бекатлари оралиғидаги йўлда контакт рельсларни қувватловчи токоприёмникда учқун чиқаётганини кўриб қолган. Машинист шу заҳоти поездни тўхтатиб, диспетчерга хабар берган ва шундан сўнг йўл электр таъминотдан узилган. Йўловчилар эса «Novza» бекатигача эвакуация қилинган.
Корхона шу орқали салбий вазиятнинг олди олинганини таъкидлади.
