Ангренда 22 ёшли Т.Сардорбек 25 ёшли Т.Ферузанинг суратларини телеграмда тарқатиб юборди. Бу ҳақда EVERYDAY.UZ мухбири хабар қилди.
Маълум бўлишича, Сардор Ферузага унда сир сақланиши керак бўлган суратлар борлигини, агар 300 доллар бермаса унинг собиқ эрига кўрсатишини айтган. Феруза бунча пулни бера олмаслигини айтгач йигит суратларни тарқатиб юборган.
Олиб борилган суриштирувлар давомида Ферузада Сардор қўрқитиб ёзган смслар борлиги аниқланган. Ҳолат бўйича ЖКнинг 165-моддаси 1-қисми (Товламачилик) билан жиноят иши қўзғатилган. Тергов ҳаракатлари олиб борилмоқда.
