Фарғона шаҳрида собиқ куёв қайнонасининг машинасини олиб қочди. Бу ҳақда EVERYDAY.UZ мухбири хабар қилди.
Маълум бўлишича, ҳодиса шу йил 29 апрель куни содир бўлган. 48 ёшли Э.Ўғилой ички ишларга мурожаат қилиб, 30 ёшли куёви А.Иброҳимжон Нексия-3 машинасини олиб қочганини айтган. Тезкор тадбир давомида автомашина Фарғона тумани Оқбилол маҳалласи ҳудудидаги дала ер майдонидан топилган. Собиқ куёв эса ушланган.
Ҳолат бўйича ЖКнинг 267-моддаси 1-қисми (Транспорт воситасини олиб қочиш) билан жиноят иши қўзғатилган. Тергов давомида Иброҳимжон оилавий муаммолари сабабли ушбу ишга қўл урганини айтган.
