Жорий йилнинг 6 февраль куни соат 18:00 ларда Шўрариқ маҳаллада яшовчи Илҳомжон Эрматов алиментдан бўлган 32 760 000 сўм қарздорлигини ундиришга келган Мажбурий ижро бюросининг Норин туман бўлими давлат ижрочиси Абдуллажон Мамадалиевга тан жароҳати етказган.
Хонадонидаги қўйни хатлашга келган МИБ ижрочисини фуқаронинг ўғли 1993 йилда туғилган Андижон тиббиёт институти 6-курс талабаси Хондамир Турғунов уйида яна буюмлар бор, дея алдаб ижрочини уйига таклиф этган.
Кейин эшикни қулфлаб Абдуллажон Мамадалиевга тан жароҳат етказган. Оқибатда давлат ижрочисининг чап қўл билак суяги синиб, туман шифохонасига ётқизилган.
Ҳозирда мазкур ҳолат юзасидан Хондамир Турғуновга Норин туман прокуратураси томонидан Жиноят кодексининг 219-модда, 1-қисми билан жиноят иши қўзғатилиб, жиноят процессуал кодексининг 221-моддаси тартибида қамоққа олинган.
