Наманганда аёл қиёфасидаги эркак “Одноклассники”lа ўзбекистонлик фуқаро билан танишиб, ундан пул талаб қилган. Бу ҳақда EVERYDAY.UZ мухбири хабар қилди.
Мавжуд маълумотларга кўра, 61 ёшли эркак ҳуқуқ тартибот органларига мурожаат қилиб, интернетда 19 май куни “Феруза” билан танишиб қолганини маълум қилган. Эркакнинг сўзларига кўра, улар кўп вақт давомида ёзишиб, суратлар билан бўлишган. Сурат юборгандан сўнг “Феруза” уларни тарқатиб юбориш билан қўрқитган.
Ҳуқуқ тартибот органлари томонидан олиб борилган текширув давомида Феруза аслида Қудратилла экани аниқланган. 47 ёшли эркак кўп вақт давомида интернетда фирибгарлик билан шуғулланиб келгани аниқланган. У 2 млн сўмни шу йўл билан олган. Ҳозирда ҳолат юзасидан жиноий иш қўзғатилган.
