Ижтимоий тармоқларда эркак хотинини ҳамманинг кўз ўнггида дўппослагани акс этган видео тарқалди. Видео телеграм каналларда эълон қилинди.
Пойтахт ИИББнинг маълумот беришича, видеодаги аёл ва эркак бир оиланинг вакиллари – эр-хотинлардир. Ҳодиса шу йил 29 май куни содир бўлган. 31 ёшли эркак 29 ёшли хотинини ТТЗ-1 ҳудудида соат 19:45ларда дўппослаган ва ушбу ҳолатни фуқаролардан бири видеога олган.
Масъуллар ушбу оила билан суҳбатлашган ва унда аёл баъзида эри билан жанжаллашиб туришини, лекин оиласи тинч эканини, эри унга нисбатан босим ўтказмаслигини ва жисмоний куч ишлатмаслигини айтган. Шунингдек, масъуллар аёлга эри яна бир марта урса ички ишларга мурожаат қилиши кераклигини ва чора кўрилишини билдирган.
