Маълум бўлишича, ўтган кили 1 июнь куни Поп шаҳридаги овқатланиш шаҳобчаларининг бирида ходимлар Э.Худайбердиев ва К.Тулашевлар овқатланиб ўтирганда ишлатган салфеткасини ерга ташлаб юборади. Шундан сўнг ушбу тамадихона иш юритувчиси М. Ғаффоров уларга бундай қилмасликни тавсия беради. Ғаффоровнинг бу гапи ходимларга ёқмайди ва улар дарров ниқобинг қани, карантин қоидаларини буздинг дея телефонга олишни бошлайди. Иш юритувчи ҳам ўз навбатида бўш келмай ходимларнинг ўзлари ҳам ниқобсиз юрганини айтиб, уларни ҳам тасвирга ола бошлаган. Шундан сўнг ходимларнинг баттар жаҳли чиқиб, фуқарони машинага босиб олиб кетган. Улар фуқарони ИИБга олиб бориб калтаклаган ва ҳатто Ғурумсаройда содир бўлган қотилликни «бўйнига қўйвориш» билан таҳдид қилишган.
Ходимлар бир неча соат фуқарони қийнагач профилактика инспеторига МЖтКнинг 54-моддасига биноан мамъмурий баённома расмийлаштиришни буюрган ва инспетор ҳам индамай уларнинг айтганини қилган. Ҳодисадан сўнг Ғаффоров прокуратурага мурожаат қилган. Мурожаатга асосан ходимларга нисбатан тергов ўтказилган ва улар ЖКнинг 234-(қонунга хилоф равишда ушлаб туриш ёки ҳибсга олиш) ва 206 (мансаб ваколати доирасидан четга чиқиш)моддаларида назарда тутилган жиноятларни содир этишда айбдор деб топилган.
Суд жабрланувчига етказилган моддий-маънавий зарар қопланганини қайд этиши баробарида уларга тегишли жазо берди-қўйди. Тўғри, тайинланган жазо жарима шаклида бўлди, бироқ шунинг ўзи тизимдан кетишига етиб ортадики, қайта форма кийишни энди орзу ҳам қилиша олмаса керак...
Яна қайдам, – дейилади нашр маълумотида.
