Жиззах вилоятида 35 ёшли эркак хотинини ўлдирди. Ҳодиса Дўстлик туманида содир бўлди.
Маълум бўлишича, эркак мактабда масъулиятли лавозимда ишлаган. У жанжал вақтида хотинининг бўйин соҳасига икки марта пичоқ санчиб олган. Натижада аёл воқеа жойида вафот этган.
Ҳодиса юзасидан жиноий иш қўзғатилган. Суриштирувлар жараёнида эркак аёлини телеграмдаги ёзишмалар сабаб ўлдиргани маълум бўлди. Суд қарорига кўра эркакка 14 йилга озодликдан маҳрум қилиш жазоси тайинланди.
