Сурхондарё вилояти Денов туманида эркак ички ишлар ходимлари томонидан калтаклангандан сўнг эртаси куни вафот этди. Бу ҳақда Бош прокуратура хабар қилди.
Маълум бўлишича, шу йил 10 июль куни туманда яшовчи фуқаро акаси маст ҳолатда жанжал кўтариб, тинчликни бузёатгани ҳақида ички ишларга мурожаат қилган. Сўнгра ИИО ФМБ профилактика инспектори ва унинг иккита ёрдамчиси келиб фуқарони ИИБга олиб кетишган. Улар йўлда фуқарони калтаклаган. Эртаси куни эса фуқаро олган тан жароҳатлари натижасида шифохонада вафот этган.
Ушбу ҳолат юзасидан туман прокуратураси томонидан ЖКнинг 104 ва 206-моддалари билан жиноят иши қўзғатилган. Икки нафар шахс эса ҳибсга олинган. Тергов ишлари Сурхондарё вилояти прокуратураси томонидан олиб борилмоқда.
