Жиззах вилояти Зарбдор туманида 7 ва 8 август кунлари қотиллик содир бўлди. Бу ҳақда EVERYDAY.UZ мухбири хабар қилди.
Маълум бўлишича, 7 август куни ука дала шийпонида бирга спиртли ичимлик ичиб ўтирган акасини пичоқлаб ташлаган ва эркак воқеа жойида вафот этган.
Шунингдек, туманда 8 август куни эркак келинойиси билан жанжаллашиб уни пичоқлаб ташлаган. Аёл ҳодиса оқибатида вафот этган.
Ҳар иккала ҳолат бўйича ЖКнинг 97-моддаси 1-қисми билан жиноят иши қўзғатилди. Дастлабки тергов олиб борилмоқда.
