Тошкент шаҳри Янгиҳаёт туманида фуқаро ички ишлар ходимига боши билан зарба берди. Бу ҳақда EVERYDAY.UZ мухбири хабар қилди.
Маълум бўлишича, ҳодиса шу йил 28 август куни содир бўлган. Икки нафар ички ишлар ходимлари тунда кўчада шубҳа уйғотган 30 ва 27 ёшли фуқаронинг ёнига борган. Ходимлар улардан ниқобсиз юрмасликни сўраб, огоҳлантирган ва сўнгра улардан шахсини аниқлаштириш учун маҳкамага боришни сўраган. Ушбу ҳолатда улар ходимларга бўйсунмаган ва 27 ёшли йигит ички ишлар ходимига боши билан бурнига зарба берган. Ходим тан жароҳати олиб, шифохонага олиб борилган.
Ҳолат юзасидан 27 ёшли йигитга нисбатан жиноий иш қўзғатилган. Тергов давом этмоқда.
