Қашқадарёда севган қизининг эрини пичоқлаб ўлдирган йигит ва унинг шеригига суд ҳукми ўқилди

Қашқадарёда севган қизининг эрини пичоқлаб ўлдирган йигит ва унинг шеригига суд ҳукми ўқилди
Қашқадарё вилояти Қарши туманида севган қизининг собиқ эрини пичоқлаб ўлдирган йигит ва унинг шеригига суд ҳукми ўқилган. Бу ҳақда Олий Суд матбуот хизмати хабар бермоқда.

Маълум қилинишича, Қарши туманида яшовчи Ш.М. бир неча йил аввал Нишон туманида яшовчи Н.Б. билан танишган. Улар бир-бирини ёқтириб қолиб, оила қуришга қарор қилган. Бу орада Ш.М. ишлаш хорижга кетган ва Н.Б.ни уйдагилари қўшни туманда яшовчи қариндошларининг ўғли бўлган Б.га узатиб юборган. Б.нинг аввал ҳам уйлангани, аммо фарзанд кўрмагани сабабли ажрашганини катталар Н.Б.га тўй арафасида айтишган.

Қайд этилишича, Н.Б. тўй ўтгандан сўнг тўрт ой ўтиб ота уйига қайтиб келган. Бу орада танишлари орқали воқеадан хабар топган Ш.М. хориждан қайтиб келган ва Б.дан қасд олишни мақсад қилган. У Қаршидаги қурилишда бирга ишлайдиган Р.Р.ни ўзига шерик бўлишга кўндирган.

Улар Б.ни ўлдириш режасини тузишган ва тайёргарлик кўриш мақсадида иккита ошхона пичоғи ва махсус қўлқоп сотиб олишган. Шундан сўнг Ш.М. жиянини чақирган ва унга тегишли «Lacetti»да Б. яшайдиган қишлоққа боришган.

Кейинчалик ўтказилган тергов жараёнида аниқланишича, улар манзилга яқин келиб машинадан тушган ва Б.нинг уйига бориб ёнилғи излаб юришганини айтишган. Б. уйдан 10 литр ёнилғи олиб чиққач, Р.Р. уни чалғитган, Ш.М. эса ошхона пичоғини унинг танасига бир неча марта зарб билан санчган. Оқибатда Б.оғир тан жароҳатлари олиб вафот этган. Қотиллар эса яширинишган.

Кўп ўтмай Ш.М. ва Р.Р. ушланган ва улар қонун олдида жавоб беришган. Суд уларнинг иккаласини ҳам Жиноят кодексининг 97-моддасининг (Қасддан одам ўлдириш) тегишли бандлари билан айбли деб топиб, узоқ муддатли қамоқ жазоси тайинлаган. Бундан ташқари, судланувчилардан марҳумнинг қонуний вакили фойдасига 50 миллион сўм маънавий зарар ундирилиши белгиланган.

Ўхшаш янгиликлар

  1. Мард 24 сентябр 2021 15:06
    Тентаклар утирасан камакда
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Ҳодиса » Қашқадарёда севган қизининг эрини пичоқлаб ўлдирган йигит ва унинг шеригига суд ҳукми ўқилди