Самарқанд вилоятидаги боғчада ёнғин юзага келди, дея хабар қилди EVERYDAY.UZ мухбири.
Маълум бўлишича, Самарқанд шаҳридаги Боғдод кўчасида жойлашган 27-сонли боғчада ёнғин кеча, 4 октябрь куни содир бўлган. Унга бинонинг том қисмидан ўтган электр тармоғида қисқа туташув сабаб бўлган. Боғчадаги барча тарбияланувчилар ва ходимлар зудлик билан бошқа ҳудудга кўчирилган. Жабрланганлар йўқ.
Моддий зарар миқдори 25—30 миллион сўмни ташкил этаётгани қўшимча қилинди.
