Фарғона вилояти Ёзёвон туманида бегона уйга ўғриликка тушган эркак уйдаги ҳомиладор аёлни пичоқлаб ташлади, дея хабар қилди EVERYDAY.UZ мухбири.
Маълум бўлишича, ҳодиса шу йил июнь ойида содир бўлган. Эркак Ўзбекистон кўчасидаги уйларнинг бирига ўғриликка тушган ва хонадонда бўлган аёлни кўриб қолиб, уни пичоқлаган. Аёл шифохонада вафот этган. Маълум қилинишича, аёлнинг 8 ойлик ҳомиласи бўлган. Унинг шунингдек, яна бир фарзанди ҳам бўлган.
Ҳолат юзасидан жиноий иш қўзғатилган. Эркак ушланган. 16 сентябрда иш судга оширилган.
