Шу йил 24 март куни пойтахтда шифокор калтакланган эди. Ҳодиса соат 23:15 ларда содир бўлган.
Маълум бўлиишча, ўша куни 37 ёшли фуқаро онаси ҳамроҳлигида шифохонага келган. Эркакнинг онаси ўғли бир неча кундан бери спиртли ичимлик ичаётганини ва шифокордан уни кўриб қўйишни сўраган. Ўз навбатида шифокор аёл бошқа беморга қараётганини ва шундан сўнг уларни кўриб қўйишини айтган. Аёл бунга жавобан шифокорни ҳақоратлаган. Ушбу ҳолатга унинг маст ўғли ҳам аралашиб, уни калтаклаган. Шифокор турли даражадаги жиддий жароҳатлар олган.
Таъкидланишича, ушбу иш юзасидан 2 ноябрь куни суд бўлиб ўтган. Унинг қарорига кўра, шифокорни калтаклаган эркак 4 йилга қамалган.
