Ижтимоий тармоқларда бир гуруҳ шахслар пичоқ билан Equinox автомобилига ҳужум қилгани акс этган видео тарқалди. Бу ҳақда EVERYDAY.UZ мухбири хабар қилди.
Видеода бир гуруҳ йигитлар келиб, Equinox автомобили атрофида турган йигитлар олдига югуриб келганини кўриш мумкин. Сўнгра улар автомобилга ўтириб, қочиб кетди ва пичоқ билан автомобилга зарар етказган.
Тошкент шаҳар ИИББнинг маълумот беришича, ҳодиса 31 октябрь куни соат 22:00ларда Боғишамол кўчасида бир гуруҳ шахслар ўртасида жанжал юзага келган. Хусусан 30 ёшли Ж.И. ва унинг танишлари 30 ёшли М.Х., 39 ёшли Ж.А., 24 ёшли У.Р., 37 ёшли Х.А., 27 ёшли Х.С., 30 ёшли У.Д. ўзаро жанжаллашган. Натижада гумонланувчилардан бири 30 ёшли Ж.И. қочмоқчи бўлган "Chevrolet Equinox" русумли автомобилга зарар етказган.
Ушбу ҳодиса юзасидан ЖКнинг 277 моддаси 2-қисми “б” ва “в” бандлари билан жиноий иш қўзғатилган. Тергов давом этмоқда.
