Андижон вилоятида эркак хотинининг бурнини тишлаб, узиб олди. Бу ҳақда EVERYDAY.UZ мухбири хабар қилди.
Маълум бўлишича, ҳодиса ўтган йили 29 июнь санасида содир бўлган. Эркак онасининг уйига аразлаб кетиб қолган хотини ва фарзандларини олиб қайтиш учун қайнонасининг уйига борган. Лекин она боласи ҳеч қаерга бормаслигини айтган. Шунда эркак хотинининг бурнини тишлаб, қочиб кетган.
Кейинчалик суд тиббий экспертизасида аёлнинг бурнида учи ва ўнг томони тишланган, йиртилган ва узиб олинган жароҳатлари борлиги аниқланган. Аёлнинг бурни операция қилинган тақдирда ҳам билинарли чандиғлар қолиши маълум бўлган. Суд қарорига кўра эркак 3 йилга озодликдан маҳрум қилинган.
Таъкидлаш жоиз, эркак аввал ҳам бир неча бор судланган бўлган.
