"Ҳаж" ва "Умра" лойиҳаси билан Тошкентга келган тадбиркор Банун Туркий Салаҳ "бор-буди"дан айрилди. Бу ҳақда uznews.uz хабар қилмоқда.
Ўзбекистонга келиб тадбиркорлик қилиш ва бу йўлда одамларга ҳам ёрдам беришни мақсад қилган Саудиялик тадбиркор ҳам ишидан ҳам пулидан айрилди.
У 500 минг АҚШ доллари миқдорида инвестиция олиб киришга ҳаракат қилган, афсуски фирибгарлар қўлига тушиб қолган хорижлик меҳмонни алдаб кетишди.
Тошкент шаҳар Олмазор тумани Жиноят ишлари бўйича судида кўрилган 1-1008-1903/6-сонли жиноят ишида судя Мирзиёд Абидов томонидан фирибгарларга нисбатан ҳукм ўқилди.
Бу жиноят ишида Шамсиев Муродбек Талатбекович, Халмухамедов Ботир Хайруллаевич, Саидвалиев Шавкат Гулямович Жиноят кодексининг 165, 168, 211, 229, 238-моддалари тартибида судланишган.
Манбанинг хабарига кўра, ҳозирда бу иш бўйича жиноий гуруҳ раҳбари деб кўрилган Зокир Салманов Мамарахимович Ички ишлар вазирлиги томонидан расман қидирувга берилган ва ҳозирга қадар ушлангани йўқ.
