Тошкент шаҳрида икки нафар қиз хитойлик фуқарони тунаб кетди. Бу ҳақда EVERYDAY.UZ мухбири хабар қилди.
Маълум бўлишича, Д.Х. таниши У.А. билан тил бириктириб аввалдан таниши бўлган, хитойлик эркакни тунаб кетишни режа қилган. Сўнгра улар эркакни чақирган ва унинг машинасида кетаётганда Д.Х. унинг бўйнидан ушлаб, бир қўли билан сиркага ботирилган матони юзига босган. Лекин хитойлик ҳушидан кетмаган. Сўнгра эркак қочиб кетган.
Қизлар эса унинг машинасидан 5,5 минг доллар, 2 минг Хитой Юани, 15 минг рубль, битта флешка ва унинг ҳужжатларини олган. Сўнгра қизлар хитойликнинг ҳужжатларини ёқиб юборган.
Ушбу иш юзасидан бўлиб ўтган судда Д.Х.га 4,5 йил У.А.га 1 йил 8 ой 24 кун қамоқ жазоси тайинлангани маълум бўлди. Шунингдек, жабрланувчи фойдасига 10 млн 651 минг сўм моддий зарар ундирилиши белгиланди.
