Тошкентда номаълум шахслар Миллар дастури опреаторини калтаклади. Ушбу дастур Миллий телеканалида эфирга узатилади.
24 январь куни телеканал ходимлари ёнғин содир бўлган Чилонозор туманидаги Бунёд кўчасига боришган. Телеканал ходимлари ҳодиса жойида ишлаётган ФВВ ходимларининг ҳаракати бўйича репортаж тайёрламоқчи бўлган.
Ёнғин содир бўлган бинони тасвирга олаётган оператор номаълум эркаклар томонидан калтакланган. Таъкидланишича, оператор 5-6 киши томонидан дўппосланган. Ҳодиса оқибатида жабрланувчи шифохонага ётқизилган. Ҳозирда ҳодиса юзасидан суриштирув олиб борилмоқда.
