Тошкентда рашк сабаб жиноят содир этилди. Бу ҳақда ҳуқуқ тартибот органлари хабар қилди.
Маълум бўлишича, ҳодиса 2 февраль куни соат 20:00ларда Янгиҳаёт туманида содир бўлган. 36 ёшли аёл норасмий эрини алкоголь ичимликлар истеъмол қилиб ўтирганда пичоқлади.
50 ёшли эркак пичоқдан олган жароҳатлари билан шифохонага ётқизилган. Шифокорлар саъйи ҳаракати билан эркакнинг ҳаёти сақлаб қолинган. Тергов давомида гумонланувчи эркакни улар билан ароқ ичиб ўтирган 42 ёшли аёлни қучоқлагани учун пичоқлаганини айтган. Ҳозирда ҳолат юзасидан жиноий иш қўзғатилган.
