Навоий вилоятидаги 36-сон манзил колониясида маҳкум ўзи жонига қасд қилмоқчи бўлди. Бу ҳақда EVERYDAY.UZ мухбири хабар қилди.
Маълум бўлишича, тармоқларда бу бўйича маълумот тарқатилиб, унда Умид исмли маҳкум Лочин исмли ходим томонидан тазйиққа учрагандан сўнг шу ишни қилгани айтилган. ИИВ ҳузуридаги Жазони ижро этиш департаменти бу бўйича изоҳ берди. Унда айтилишича, Умид қамоқхонада қонунга зид равишда сенсорли смартфон телефондан фойдаланиб ўтирганда ходимлар кўзига тушиб қолган. Шундан сўнг ходимлар ундан телефонни олган ва маҳкум ёнига шерикларини чақириб, ходимлардан телефонни қайтаришни сўраган. Ушбу ҳодисадан кейин Умид пичоқ ва тили остидаги лезвия билан бўйини ҳамда билагини кесиб ташлаган.
Ушбу иш судда атрофлича ўрганилган ва суд қарорига кўра Умид жазонинг қолган қисмини ёпиқ турдаги колонияда ўташи белгиланган. Суд жараёнида Умид ходимга туҳмат қилганини ва бошқаларнинг ундови билан ўзига жароҳат етказганини тан олган.
