Тошкентдаги мактаб бассейнида ток уриш оқибатида ўқувчи вафот этди

11-04-2019, 10:19
Ҳодиса
Тошкентдаги мактаб бассейнида ток уриш оқибатида ўқувчи вафот этди
Тошкентда мактаб электригининг хатоси туфайли ўқувчи вафот этди. Бу ҳақда "Ҳуқуқ" хабар қилди.

Хабарда айтилишича, Тошкент шаҳри Юнусобод тумани очиқ суд мажлисида тумандаги 2-сонли Болалар ва ўсмирлар спорт мактаби электриги Баҳодир Раметовнинг (исм-фамилияси ўзгартирилган) иши кўрилган.

У мактабда электр хавфсизлигини таъминлашга масъул бўлган шахс сифатида сузиш бассейнига ўрнатилган ҳаво нам­лигини қуритиб ва иситиб берувчи «ChKA WАI» электр қурилмасини норматив тарзда белгилаб қўйилган қоидаларга мос ва уларга риоя қилган ҳолда техник эксплуатация қилишга жавобгар бўлса-да, вазифасига нисбатан бепарво муносабатда бўлган. Яъни электр қурилмасининг ташқи қобиқ қисмидан ерга уланиш ишлари бажарилмагани оқибатида қурилмага келадиган электр токи ташқи ҳудудга тарқалиб, сузиш бассейнида машғулотлар билан шуғулланувчи ўсмирлар ҳаётига хавф солувчи манбага айланган. Бу эса бир инсоннинг ҳаётдан бевақт кўз юмишига сабаб бўлди.

Спорт мактабининг сузиш бассейнида шуғулланаётган мактабнинг 11 ёшли ўқувчиси Жамшид Юнусов бассейндан чиқиб, электр қурилмасининг олдига келганида сузишда фойдаланадиган кў­з ойнаги ерга тушиб, сирпаниб, қурилманинг тагига кириб кетган. Ўсмир йигитча электр қурилмаси остидан кўз ойнагини олмоқчи бўлганида уни электр токи уриб, кўрсатилган биринчи тиббий ёрдамга қарамасдан, шу ернинг ўзида вафот этган.

Баҳодир Раметов Ўз­бекистон Республикаси Жиноят Кодексининг 116-моддаси 3-қисмида назарда тутилган жиноятни содир этганликда айбдор деб топилиб, унга 3 йил муддатга озодликдан маҳрум қилиш жазоси тайинланган. Ўзбекистон Республикаси ЖКнинг 72-моддасига асосан тайинланган озодликдан маҳрум этиш жазоси шартли ҳисобланиб, 2 йил синов муддати белгиланган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Стив Свердлов ва Sayyod.com сайти билан бўлиб ўтган можарода қонунчиликдаги жавобгарликка оид холат кузатилмаган

Оммавий ахборот воситаларида турли хил йўналишлар, журналистик суриштирув ишлари , мухбирликдаги хох у репортаж ва ёки...
Бугун, 20:12

Бош прокурор ўринбосари: Андижондаги ҳолатда жиноят йўқ

Бугун, 17 июнь куни Президент Администрацияси ҳузуридаги Ахборот ва оммавий коммуникациялар агентлиги анжуманлар залида...
Бугун, 17:35

Қўйлиқдаги ёнғинда бир оиланинг 3 нафар аъзоси жароҳатлангани маълум бўлди

Аввал маъум қилинганидек Тошкент шаҳрининг Бектемир туманида 16 июнь куни ТХАЙ кўчасида жойлашган “Давру-Даврон авто”...
Бугун, 14:26

Вадим Абрамов ПФЛнинг айрим талаблари одамнинг устидан кулиш билан баробар эканини айтди

Кеча Ўзбекистон Суперлигаси доирасида "Бунёдкор" - "Насаф" ўртасидаги учрашув бўлиб ўтди. Унда жамоалар муроса йўлини...
Бугун, 14:05

Тошкентда 17 ёшли қиз қиймати 9200 долларга тенг келувчи буюмларни ўғирлаб кетди

Тошкент шаҳрида ўғрилик содир этилди. Бу ҳақда EVERYDAY.UZ мухбири хабар қилди. Маълум бўлишича, жорий йилнинг 11...
Бугун, 12:55