Тошкент вилоятида аёл ўзи ва болаларини прокуратура биноси олдида ёқиб юбормоқчи бўлди. МИБ ушбу ҳолат юзасидан изоҳ берди
Маълум бўлишича, ҳодиса шу йил 25 февраль куни Чиноз тумани прокуратураси биноси олдида содир бўлган. Аёл ушбу ҳаракати билан собиқ эрининг алимент тўловига норозилик билдирмоқчи бўлган. Прокуратура ва Миллий гвардия ходимлари ушбу ҳодисанинг олдини олган.
Таъкидланишича, аёлнинг собиқ эри 2021 йилнинг июль ойидан 2022 йилнинг февраль ойига қадар деярли 8 млн сўм қарзи бўлишига қарамай, 550 минг сўмгина тўлаган.
Аёлнинг аҳволи яхши экани айтилмоқда. У собиқ эри билан судга чақирилган. Шу билан бирга, МИБнинг Чиноз тумани бўлими масъул ходимлари хатти-ҳаракатлари бўйича текширув бошлангани маълум қилинди.
