Қашқадарё вилояти Деҳқонобод туманида 3 кишини яшин урди. Бу ҳақда EVERYDAY.UZ мухбири хабар қилди.
Маълум бўлишича, бугун, 9 март куни соат 11:45ларда “Откамар” МФЙда 3 кишини яшин урган. Бунинг натижасида 1 киши вафот этган. Бир нафарига амбулатор даволанишга рухсат берилган ва яна бир нафарига эса айни вақтда тиббий ёрдам кўрсатилмоқда.
ФВВ ноқулай об-ҳаво шароити вақтида хавфсизлик чораларига амал қилишни сўраб қолган. Эслатиб ўтамиз, аввалроқ Қашқадарёда ноодатий табиат ҳодисаси рўй бергани маълум қилинган эди.
