Сурхондарё вилояти Термиз туманида бош ҳисобчи 221,8 млн. сўмни талон-тарож қилганлиги аниқланди. Ушбу ҳолат юзасидан Бош прокуратура ҳузуридаги Департаментнинг Сурхондарё вилоят бошқармаси томонидан терговга қадар текширув ўтказилди. Бу ҳақда "Халқ сўзи" хабар қилди.
Хабарда айтилишича,Термиз тумани архитектура ва қурилиш касб-ҳунар коллежи бош ҳисобчиси Ш.Х. коллежнинг 5 нафар собиқ ишчи-ходимининг номига 2017-2018 йиллар ва 2019 йил 2 ойи давомида жами 221,8 млн. сўм иш ҳақи ёзиб, уларнинг номидаги пластик карточкаларга ойма-ой тушириб олиб, ўз эҳтиёжлари учун ишлатиб, бюджет маблағларини талон-торож қилганлиги аниқланган.
Шунингдек, текширув давомида бюджетга етказилган зарардан 100,3 млн. сўм ундирилиши таъминланган.
Манбанинг кўшимча қилишича, мазкур ҳолатлар юзасидан Ш.Х.га нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
