ФВВ матбуот хизмати бугун, эрталаб Тошкентда кучли шамол сабаб дарахт қулаганини маълум қилди. Натижада бирданига 6та автомобиль зарарланди.
Ҳодиса Тошкент шаҳри Учтепа туманида содир бўлган. Воқеа жойига ФВВ ходимлари етиб келган. Дарахт остида эса Kia, Gentra, Nexia, Damas, Cobalt ва “Нива” автомобиллари қолиб кетган. Ҳозирда ҳодиса келтирган зарар ўрганилмоқда. ФВВ матбуот хизмати маълумотига кўра, ҳеч ким жароҳатланмаган.
ФВВ сўнгги кунларда кузатилаётган об-ҳаво шароитидан келиб чиқиб, фуқаролардан автомобилларни дарахтлар остида қолдирмасликни сўраган.
