Қашқадарёда йўл-патруль хизмати ходимларига жароҳат етказилди

5-11-2018, 14:56
Ҳодиса
Қашқадарёда  йўл-патруль хизмати ходимларига жароҳат етказилди
Қашқадарё вилояти ички ишлар бошқармаси йўл ҳаракати хавфсизлиги бошқармасига қарашли йўл патруль хизмати инспекторлари Косон тумани «Гувалак» маҳалласи ҳудудида одатдагидек хизмат вазифасини бажараётган эди.

Инспекторалар Жасур Йўлдошев, Иномжон Қораев ва Шаҳзод Чориев томонидан йўлда ҳаракатланаётган автомобиллардан навбатдагиси тўхтатилиб, инспекторлар «Кобальт» ҳайдовчисининг ҳужжатларини кўздан кечиришга чоғланди. Кичик сержант Ж.Йўлдошев автомбиль ҳайдовчисидан ҳужжатларни тақдим қилишни сўрайди. Ўзини Ҳусниддин Тўрақуловман, деб таништирган шахс ҳеч қандай ҳужжатлари йўқлигини айтади.

Инспекторлар ушбу ҳолат юзасидан маъмурий баённома расмийлаштиради. Шундан сўнг автомашинани вақтинчалик жарима майдончасига олиб борилиши керак эди.

Аммо Х.Тўрақулов ва унинг йўловчилари, яъни турмуш ўртоғи Муҳаббат Жуманазарова, ўғли Шоҳрух Эгамбердиев, қизи Кумуш Эгамбердиева ходимларга фаол қаршилик кўрсатишади.

Ш.Эгамбердиев қўлига пичоқ олиб Косон тумани ички ишлар бошқармаси 11-сонли ички ишлар бошқармасига тегишли “Дамас”, русумли автомашина ойнасини синдириб, баллонларига шикаст етказади. Шундан сўнг йўловчилар автомашинасига ўтириб, воқеа жойидан қочиб кетган.

Йўловчи йигитнинг қуюшқондан чиқиб кетиб, амалга оширган қўпол ҳаракатлари натижасида кичик сержант Ж.Юлдашев ва сафдор И.Қораевга жароҳат етказилган. Уларга касалхонада тиббий ёрдам кўрсатилди.

Бундай вазиятда йўловчиларнинг инспектларни қандай сўзлар билан «сийлаши»ни айтмасак ҳам, кундай аён.

Ички ишлар вазирлиги Жамоатчилик ва оммавий ахборот воситалари билан алоқалар бошқармасидан маълум қилишларича, кўрилган тезкор чоралар натижасида Ш.Эгамбердиев ушланиб, Х.Тўрақулов, М.Жуманазарова ва К.Эгамбердиева туман прокуратурасига топширилди.

Ҳозирда ушбу ҳолат юзасидан суриштирув ишлари олиб борилмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Видео: Тошкентда ҳайдовчи ЙПХ ходимини автомашинасида уриб юборди

Бугун, 18 октябрь куни Шайхонтоҳур туманидаги Абай ва А. Қодирий кўчалари кесишмасида ЙТҲ содир бўлди. 25 ёшли...
18-10-2019, 14:29

O'zLiDeP: "Миллий Тикланиш" бизга елимдек ёпишиб олган"

Спортда аниқроғи кўпчилик мухлисларга эга футболда нисбатан кучсиз, танилмаган бирор жамоа юлдуз футболчилар жамланган,...
17-10-2019, 10:17
/ Муҳокамалар +1

Жаҳонгир Отажановнинг лицензияси қайтарилди

Бугун 16 октябрь куни “Ўзбекконцерт” давлат муассасасида навбатдан ташқари йиғилиш ўтказилди. Унда хонанда Жаҳонгир...
16-10-2019, 16:40
/ Муҳокамалар +3

«У ерда провакаторлар бор эди» – Кабул Дусов вазиятга изоҳ берди

Бугун сайтимизда “Миллий тикланиш” депутати Яшнобод тумани аҳолиси билан жанжаллашиб қолгани ҳақида хабар берган эдик....
16-10-2019, 15:58
/ Муҳокамалар +1

Бугундан бошлаб фуқаролар "пропискасиз" ҳам исталган банкдан кредит олишлари мумкин

Ўзбекистонда кредит олиш тартибига ўзгартириш киритилди. Бу ҳақда ОАВда хабарлар тарқалди. Киритилган ўзгаришга мувофиқ...
16-10-2019, 14:41
/ Муҳокамалар +9