Самарқанд вилояти Каттақўрғон туманида тадбиркор электр корхонаси раҳбарини пичоқлади. Бу ҳақда EVERYDAY.UZ мухбири хабар қилди.
Маълум бўлишича, шу йил 12 апрель куни соат 18:15 ларда Саройқўрғон маҳалласида яшовчи 36 ёшли эркак “Қорадарё” электр тармоқлари корхонаси раҳбарининг олдига келиб, нима сабабдан унинг корхонасида электр тез-тездан ўчишини сўраган. Шундан сўнг улар ўртасида жанжал юзага келган. Натижада эркак ўзи билан олиб келган пичоқ билан раҳбарнинг бўйин-елка соҳасига бир маротаба зарба берган. Раҳбар шифохонага ётқизилган.
Ушбу ҳодиса юзасидан ЖКнинг 105-моддаси 2-қисми билан жиноят иши қўзғатилган. Тадбиркор ҳибсга олинган.
