19 апрел куни соат тахминан 08:00 ларда Фарғона вилоятининг Учкўприк туманида яшовчи, тўрт фарзанднинг отаси, фуқаро 1977-йилда туғилган Х.Д., турмуш ўртоғи билан уй ишларида келишмовчилик туфайли жанжаллашиб қолган. Бу ҳақда Бош прокуратура матбуот хизмати хабар берди.
Можаро вақтида эркак хотинининг боши ва бўйнига болта билан бир неча марта урган, натижада аёл вафот этган.
Шунингдек, эркак руҳий касалликлар диспансерида рўйхатга олингани ҳам қайд этилган. У жиноят содир этганидан кейин Қўқон шаҳар руҳий касалликлар шифохонасига бориб, қилмишига иқрор бўлган.
Ушбу факт ЖКнинг 97-моддаси 1-қисми билан жиноят иши қўзғатилган. Гумонланувчи қўлга олинди.
