Сирдарё вилояти Янгиер шаҳрида Nexia-3 машинасининг газ баллони портлаб кетди. Бу ҳақда EVERYDAY.UZ мухбири хабар қилди.
Маълум бўлишича, ҳодиса бугун соат 9:50 ларда, “А.Жомий” МФЙ Пахтакор кўчасидаги “Ватанпарвар” ташкилоти биноси рўпарасида қолдирилган автомобилда содир бўлган. Ҳодиса оқибатида машина буткул яроқсиз аҳволга келиб қолган ва атрофдаги машиналарга ҳам зарар етказилган.
Таъкидланишича, ҳеч ким ушбу ҳодиса оқибатида жароҳатланмаган. Суриштирув ишлари олиб борилмоқда.
