Дзюдо бўйича жаҳон чемпиони Камолиддин Расуловнинг қотили 19 йилга озодликдан маҳрум этилди. Бу ҳақда “Дарё” хабар бермоқда.
Март ойи ўрталарида Учтепа туман суди 29 ёшли спортчининг ўлдирилишида айбдор деб топилган Шуҳрат Тоʻрабоевга дастлабки ҳукм чиқарган эди. Суд эркакни 15 йил қамоқ жазосига ҳукм қилган эди.
Бироқ Камолиддин Расуловнинг яқинлари ҳукмдан норози бўлиб, апелляция шикояти беришди. Жиноят ишлари бўйича Тошкент шаҳар суди уни кўриб чиқиб, қаноатлантирди.
Суд Тўрабоевни 15 йил ўрнига 19 йилга озодликдан маҳрум қилди.
Эслатиб ўтамиз, 2021 йил 13 сентябрь куни Тошкентда дзюдо бўйича жаҳон чемпиони пичоқлаб ўлдирилган эди. Маълумотларга кўра, Камолиддин Расуловнинг ўлдирилишида бир неча киши иштирок этган.
