Ўзбекистон Ички ишлар вазирлиги Андижон вилоятида содир бўлган ЙТҲ оқибатида Россия фуқароси ҳалок бўлгани ҳақида хабар берди.
Воқеа 19 апрел куни соат 23:00 атрофида Асака тумани ҳудудидан ўтувчи автомобил йўлида содир бўлган. Айтилишича, Нексия русумли автомашинани ҳайдаб кетаётган россиялик рулда ухлаб қолган ва қарама-қарши йўлга чиқиб кетган ва у ерда катта тезликда бошқа автомобил билан тўқнашиб кетган.
Бахтсиз ҳодиса натижасида Нексия иккига бўлинган. Ҳайдовчи шифохонага етказилган, бироқ олган жароҳатлари туфайли вафот этган.
