Бухоро шаҳридаги Зарафшон маҳалласи аҳолиси ободонлаштириш бўлими ходимлари ҳайвонларни заҳарлагани юзасидан “Меҳр ва Оқибат” нодавлат ташкилотига шикоят қилди.
Қайд этилишича, ходимлар гўёки кўчада кўплаб итлар борлиги ҳақидаги шикоятга асосан келиб, ўзлари билан дори тўлдирилган бир даста колбаса олиб келишган.
Маҳалла ва ширкат раислари ходимларни, айниқса, Рамазон ойида итларни заҳарлаш мумкин эмаслиги ҳақида огоҳлантирди. Шунингдек, ҳайвонларни ўлдириш учун қонуний жазо борлиги ҳам эслатилди.
Ходимлар гўёки кетаётгандек бўлишди, бироқ аҳолининг сўзларига кўра, заҳарланган колбасани ўзлари тарқатиб юборишган. Ҳайвонлар катталар ва болалар кўз ўнгида қийналиб ўлган. Итлардан бири подъездга кириб, ваҳший қичқириқлар билан зинапояга югурган.
