Биз минтақавий хавфсизликни, жумладан, Россияга нисбатан жорий этилган санкциялар Ўзбекистоннинг ривожланиш режаларига салбий таъсир кўрсатмаслигига қаратилган ҳаракатларимизни муҳокама қилдик, — дейилади АҚШнинг Тошкентдаги элчихонаси хабарида.
ТИВ хабарига кўра, томонлар Ўзбекистон-АҚШ муносабатларининг бугунги ҳолати ва турли соҳалардаги ривожланиш истиқболларини муҳокама қилдилар.
Учрашувда инфратузилма, энергетика, транспорт, атроф-муҳитни муҳофаза қилиш ва иқлим ўзгаришига қарши курашиш соҳаларида аниқ натижаларга эришиш мақсадида Ўзбекистон ва АҚШнинг “C5+1” формати доирасидаги ҳамкорликни давом эттириш мажбурияти тасдиқланди.
24 май куни Бош вазир ўринбосари – Инвеститсиялар ва ташқи савдо вазири Сардор Умурзоқов АҚШ Давлат котибининг Жанубий ва Марказий Осиё бўйича ёрдамчиси Доналд Лу билан ҳам учрашди.
ИТСВ хабарига кўра, музокаралар чоғида кўп қиррали Ўзбекистон-Америка ҳамкорлиги кун тартибидаги долзарб масалалар муҳокама қилинди. Томонлар икки томонлама ва минтақавий шериклик соҳасидаги ҳамкорликда эришилган сезиларли ютуқларни мамнуният билан қайд этдилар.
Бундан ташқари, Доналд Лу Ўзбекистон собиқ ташқи ишлар вазири Абдулазиз Комилов билан учрашди.
