O‘zLiDeP Президентимизнинг Конституция такомиллаштирилиши бўйича таклифлари аҳамияти юзасидан тушунтириш-тарғибот ишларига киришди

O‘zLiDeP Президентимизнинг Конституция такомиллаштирилиши бўйича таклифлари аҳамияти юзасидан тушунтириш-тарғибот ишларига киришди
O‘zLiDeP Сиёсий Кенгаши Ижроия қўмитаси, ҳудудий партия ташкилотлари ва партиянинг Олий Мажлис Қонунчилик палатасидаги фаркциясининг қўшма мажлиси бўлиб ўтди. Унда Президент Шавкат Мирзиёевнинг Ўзбекистон Республикаси Конституциясига ўзгартириш киритиш ва ташкилий чора-тадбирларни амалга ошириш юзасидан Конституциявий комиссия аъзолари билан учрашувидаги нутқидан келиб чиқувчи O‘zLiDePнинг долзарб вазифалари атрофлича муҳокама қилинди.

Таъкидлаш жоизки, Бош қомусимизни ислоҳ қилинишида халқ фикрига таянилмоқда, билдирилган ҳар бир таклиф, мулоҳаза инобатга олинмоқда. Бу борада O‘zLiDeP Сиёсий Кенгаши Ижроия қўмитасида ҳам Конституцияни такомиллаштиришга оид таклифларни тайёрлаш ва Конституциявий комиссияга тақдим этиш бўйича ишчи гуруҳ тузилган. Шу кунгача партия ишчи гуруҳларига 4 мингдан ортиқ таклиф келиб тушди. Уларнинг 2 минг 600 дан ортиғи Конституциявий комиссияга киритилди ва аксарияти конституциявий комиссия муҳокамаларида инобатга олинди.

Давлат раҳбари куни кеча бўлиб ўтган йиғилишда келиб тушган ҳар бир таклифни эътиборсиз қолдирмасдан, Асосий қонунимизни такомиллаштириш жараёнида, албатта, инобатга олиш, ҳар бир юртдошимиз ушбу ҳужжатни Менинг Конституциям деб фахрланадиган мукаммал даражага олиб чиқиш зарурлигини таъкидлади. Бу муҳим жараёнда O‘zLiDePнинг барча даражадаги кенгашлари ва бошланғич ташкилотлари, депутатлар, партия фаоллари билан биргаликда тушунтириш ва тарғибот-ташвиқот тадбирлари ўтказиб, таклифлар олиш ишларини амалга оширяпти.

Мажлисда сўз олганлар Конституция такомиллаштирилиши бўйича давлатимиз раҳбари томонидан баён қилинган тўртта устувор йўналиш ва уларнинг ҳар бири бўйича Президентимиз билдирган таклифларни тўлиқ қўллаб-қувватлашини таъкидладилар. Шунингдек, партия электоратининг асосий қисми бўлган тадбиркорлар томонидан кўплаб конституциявий ташаббуслар илгари сурилгани эътироф этилди.

“Тараққиётнинг кўп асрлик тажрибаси шуни кўрсатадики, хусусий мулксиз, унинг ишончли кафолатисиз кучли ижтимоий давлатни қуриб бўлмайди”, деди юртбошимиз. Шу боис Бош қомусимизда хусусий мулк ҳимоясини таъминлаш учун зарур бўлган конституциявий кафолатларни кучайтириш лозимлигига урғу берилди. Ривожланган давлатлардаги каби шундай тартиб ўрнатилиши лозимки, мулкдор суд қарорисиз, ўзининг розилигисиз, адолатли товон пулисиз мулкидан маҳрум этилмасин. Шу билан бирга, давлат тасарруфидан чиқариш ва хусусийлаштириш натижалари қайта кўриб чиқмаслик ҳамда бекор қилмаслик масаласини ҳам Конституциявий қоида сифатида белгилашнинг вақти-соати келди. Бу эса иқтисодиётимизни ҳаракатга келтирувчи асосий куч бўлган тадбиркорликнинг ривожланиши йўлидаги барча тўсиқ ва ғовларни олиб ташлашда жуда муҳим меъёрлар ҳисобланади.

Шу билан бирга инсон, унинг ҳаёти, эркинлиги, қадр-қиммати, дахлсиз ҳуқуқлари ва манфаатлари, маҳалланинг мақоми ҳамда давлат органларининг бу борадаги вазифаларини аниқ белгилаш, мамлакатимизда давлат бошқарувини такомиллаштириш, халқ ҳокимиятчилигини кучайтириш борасидаги таклифлар ҳам “Инсон қадри учун” деган улуғвор тамойилнинг тўла рўёбга чиқишига хизмат қилиши таъкидланди.

Халқимиз манфаатлари юксак даражада ифодаланган таклифларнинг амалга ошиши янги Ўзбекистон тараққиёт стратегиясидаги устувор мақсадларни рўёби учун мустаҳкам ҳуқуқий замин яратади. Ўзбекистон Либерал-демократик партияси ва унинг кўп сонли аъзоларининг, тадбиркорлар, ишбилармонлар ва фермерларнинг ҳуқуқ ва манфаатлари тўла кафолатланишида ҳам улкан аҳамиятга эга.

Йиғилиш қатнашчилари мазкур таклифлар O‘zLiDeP дастурий мақсад ва вазифаларига ғоят ҳамоҳанглигини қайд этдилар.

Қўшма мажлисда Қонунчилик палатасидаги фракция аъзолари, маҳаллий кенгашлардаги 2 300дан ортиқ депутатлар ва 13 мингдан ортиқ бошланғич партия ташкилотлари иштирокида Конституция такомиллаштирилиши бўйича Президентимиз билдирган таклифлар мазмун-моҳияти, аҳамиятини аҳолининг кенг қатламларига етказишга бағишланган тадбирларни тизимли ташкил қилиш борасида аниқ вазифалар белгиланди.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

“Ўз келажагингизни Самарқанд давлат университетида олган билимингиз билан қуришингиз керак...”

-Билимли ёшларнинг истиқболи бошқача бўлади. Бугунги ўзгариб бораётган замонамизда инсонни фақатгина илм-фан юксалтиради. Унутманг, эртанги...
Бугун, 20:55

O‘zLiDeP конституциявий ислоҳотларга халқимиз, партиямиз электорати талаб-истагидан келиб чиққан ҳолда ёндашяпти

Мамлакатимизда халқимиз келажаги, айтиш мумкинки, тақдирига дахлдор муҳим жараён кечяпти – Конституциямизни такомиллаштиришга қаратилган...
Кеча, 10:31

Андижонда 41 киши жароҳатланган автоҳалокат қурбонлари сони 4 нафарга етди

Соғлиқни сақлаш вазирлиги матбуот хизматининг маълум қилишича, Андижонда юз берган автоҳалокат оқибатида жабрланганлардан яна бири вафот...
29-11-2022, 21:46

Россияда сафарбарлик бошланганидан кейин 400 мингдан ортиқ одам у ердан Қозоғистонга ўтгани маълум қилинди

Россияда 21 сентябрь куни сафарбарлик бошланганидан кейин Қозоғистон ҳудудига 400 мингдан ортиқ россиялик кирган. Бу ҳақда Қозоғистон...
29-11-2022, 21:43

Ҳайдовчилик гувоҳномаси олиб беришни ваъда қилган фирибгар ушланди

“B” тоифадаги ҳайдовчилик гувоҳномасини олиб бериши эвазига 500 АҚШ долларини олган. Бош прокуратура ҳузуридаги Департаментнинг Шайхонтоҳур...
29-11-2022, 21:41
Ўзбекистон янгиликлари » Сиёсат » O‘zLiDeP Президентимизнинг Конституция такомиллаштирилиши бўйича таклифлари аҳамияти юзасидан тушунтириш-тарғибот ишларига киришди