Сайёр қабуллар ўз самарсини бермоқда

24-04-2019, 17:17
Сиёсат
Сайёр қабуллар ўз самарсини бермоқда
Давлатимиз раҳбари топшириғига асосан жойларда сектор раҳбарлари ҳамда республика вазирлик ва идоралар вакиллари иштирокида сайёр оммавий қабуллар ўтказилмоқда. Ана шундай қабуллардан бири Фарғона вилояти 2-сектор раҳбари иштирокида Олтиариқ туманида ўтказилди.
Қабул давомида 100 га яқин фуқароларнинг мурожаати тингланди ва 72 та ёзма мурожаатлар қабул қилиниб, уларнинг аксариятига шу ернинг ўзида ечим топилди.

Мурожаатлар асосан тадбиркорликни қўллаб қувватлаш, соғлиқни сақлаш, ишга жойлашиш, уй-жой, моддий ёрдам, йўлларни таъмирлаш, тоза ичимлик суви билан таъминлаш ҳамда коммунал масалаларга оид бўлди.

Масалан, “Жўрак” қишлоғида яшовчи Қ.Хошимов ичимлик суви тармоғи тортиш, “Қапчуғай” қишлоғида яшовчи А.Парпиев тадбиркорлик учун ер майдони ажратиш, “Ижодкор” кўчасида яшовчи Ж.Рахматов кредит ажратиш, “Содиқов” кўчасида яшовчи И.Исмоилов махалла қабристонини ободонлаштириш, “Чордара” кўчасида яшовчи А.Хомидов хажга бориш, “Бурбонлиқ” кўчасида яшовчи Х.Мадалиева яшаш уйига кадастр ҳужжати расмийлаштириш, “Зилха” қишлоғида яшовчи М.Хусанов электр ҳисоблагич ўрнатиш, “Қурбоши” кўчасида яшовчи О.Муминова пенсия расмийлаштириш, “Туркистон” кўчасида яшовчи М.Султанов ишга жойлашиш, “Пахтакор” кўчасида яшовчи Т.Маматқулов ногиронлик аравачаси бериш масаласида ёрдам сўраб мурожаат қилдилар.

Сайёр қабул жараёнининг ўзида 11 нафар фуқаролар ишга жойлаштирилиши, 17 нафар фуқароларга 3 млн. сўмга яқин моддий ёрдам берилиши, 10 нафарга яқин фуқароларнинг коммунал хўжалик билан боғлиқ муаммолари ҳал этилиши, 6 нафар вояга етмаганлар мактабгача таълим муассасасига жойлаштирилиши, 3 нафар фуқаролар тиббий кўрикдан ўтказилиб, даволанишга ётқизилиши, 2 нафари ортопедик оёқ кийим, 1 нафари ногиронлик аравачаси ва сиҳатгохга йўлланма берилиши таъминланди.

-Соғлиғимни тиклаш учун сихатгоҳга йўлланма олишда ёрдам сўрадим. Мурожаатим жойида ҳал этилиб, “Олтиариқ” сихатгоҳига бепул йўлланма берилди,- дейди “Қапчуғай” МФЙда яшовчи Г.Эргашева.

-Фарзандим учун махсус оёқ кийим олиш масаласида қилган мурожаатим жойида ҳал этилди, - дейди “Янгиқўрғон” қишлоғида яшовчи Д.Охунжонова.

-160 та хонадонни ичимлик суви билан таъминлайдиган тармоқни янгилашда ёрдам беришингизни сўрайман,- дея мурожаат қилди “Мустақиллик” кўчасида яшовчи А.Саидқулов.

Фуқаронинг мурожаати тааллуқли идоралар вакиллари иштирокида ўрганилиб, чора-тадбир белгиланди.

Сайёр қабулда шу каби кўплаб мурожаатлар кўриб чиқилиб, аксарияти жойида ҳал қилинди. Ечими маълум вақт талаб этиладиган мурожаатлар бўйича тегишли ташкилотларга кўрсатмалар берилиб, ижроси назоратга олинди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Қашқадарёда қиз икки эркакнинг "шантаж"ига чидай олмай ўзини ўлдирди

Қашқадарёда икки эркак бир қизнинг ўз жонига қасд қилишига сабабчи бўлди. Бу ҳақда "Дарё" хабар қилди. Маълум бўлишича,...
Бугун, 10:21

Тошкент вилоятидаги колонияда маҳкум бошқа бир маҳкумни 2000 долларга "ухлатди"

Тошкент вилоятидаги колонияда маҳкум фирибгарлик қилди. Маълум бўлишича, 43-сонли манзил колониясида маҳкум Б.Р. бошқа...
Кеча, 11:12

Алишер Қодиров Ўзбекистон парламенти конституцияга зид қонунлар қабул қилганини тан олди (+ВИДЕО)

Аввалроқ сайтимизда барча партия раҳбарлари ва блогер ҳамда журналистлар ўртасида мулоқот бўлиб ўтгани ҳақида хабар...
Кеча, 09:33
/ Муҳокамалар +1

O‘zLiDeP «буюртмаси» асосида ишлаб чиқарилган

Ёлғоннинг умри қисқа, дейишади. Аммо харидорга отнинг калласидек чегирмалар ваъда қилган дўконлардаги тўполонлар пайти...
20-11-2019, 15:22
/ Муҳокамалар +3

Ўзбекистонлик аёл Петербург метросидаги теракт сабаб 20 йилга қамалиши мумкин

Ўзбекистон фуқароси Шохиста Каримова Петербург метросидаги теракт сабаб 20 йилга қамалиши мумкин. Иш судда кўрилмоқда....
20-11-2019, 15:07