Тошкент туманида ёшлар етакчилари партия сафдошларига айланди

Тошкент туманида ёшлар етакчилари партия сафдошларига айланди
Юртимизда ёшларни ҳар томонлама қўллаб-қувватлашга қаратилган сиёсат натижаси ўлароқ, улар ўзларининг иқтидор ва салоҳиятларини намоён этиб, орзуларини рўёбга чиқаришга эришмоқдалар.

Партия Тошкент туман Кенгаши ҳам ёшларга оид давлат сиёсатини фаол қўллаб-қувватлаш мақсадида қатор ишларни изчил амалга ошириб келмоқда.

O’zLiDeP Тошкент туман Кенгаши ҳамда Ёшлар ишлари агентлиги туман бўлими ўзаро ҳамкорлигида ўтказилган тадбир ҳам ёшлар етакчилари фаолиятининг самарадорлигини ошириш, уларнинг ҳуқуқий, сиёсий саводхонлигини юксалтириш мақсадида ташкиллаштирилди.

Тадбирда сўз олган партия туман Кенгаши аппарат раҳбари Нуриддин Маҳкамов ёшларни ҳар томонлама қўллаб-қувватлашда етакчиларнинг ўрни беқиёс эканини алоҳида таъкидлади.

Давлат уларнинг зиммасига маҳаллаларда ёшлар билан ишлаш тизимини тубдан такомиллаштиришдек улкан масъулиятни юклаш билан бирга фаолиятларида ҳам кўмаклашаётгани, қўллаб-қувватлаётгани ҳақида тўхталди. Хусусан, ёшлар етакчилари тадбиркорлик ғояларини амалга ошириш, улар фаолиятига кредит, субсидия ва бошқа ёрдам чораларини жалб қилишда ҳоким ёрдамчиси билан ҳамкорлик қилиши ҳам уларнинг ўз вазифасини бажаришда ёлғиз ташлаб қўйилмаганидан далолат беришини қайд этди.

Энг илғор 100 нафар етакчи эса бир ойлик маошга тенг пул мукофоти ҳамда “Янги Ўзбекистон ислоҳотчиси” кўкрак нишони билан тақдирланаётганининг ўзи ҳам уларнинг фаолиятига берилган юксак баҳо эканини алоҳида эътироф этди.

Партия туман Кенгаши аппарат раҳбари ўз сўзи якунида ёшлар етакчиларининг келгуси фаолиятларида муваффақиятлар тилади.

Тадбирда партия сафига кириб, унинг дастурий ғоя ва мақсадларини рўёбга чиқаришда ўз хиссасини қўшиш истагини билдирган 10 дан ортиқ етакчиларга аъзолик гувоҳномалари тантанали суратда топширилди.

Зухро Мирзоҳамдамова,
O’zLiDeP Тошкент вилоят Кенгаши
бўлим мудири.

Ўхшаш янгиликлар

Мақола бўйича муносабатингизни билдиринг. Бизга Сизнинг фикрингиз жуда муҳим. Раҳмат!

Сўнгги янгиликлар

Ўзбекистоннинг дунё тан олган дипломатик муваффақияти

Шанхай ҳамкорлик ташкилоти тарихий қисқа давр ичида минтақавий ва глобал жараёнларнинг таъсирчан иштирокчисига айланди. Ташкилот Евроосиё...
Кеча, 10:12

Самарқандда дунё ҳисоб илми вакилларини жам этган анжуман бўлиб ўтди...

Самарқанд давлат университетида академик Саидаҳмад Лақаевнинг 70 йиллик юбилейига бағишланган “Математик анализ ва унинг замонавий...
Кеча, 00:02

Буюк математиклар Самарқанд давлат университетида…

Самарқанд давлат университети математик физика ва функционал анализ кафедраси мудири, академик, «Дўстлик» ордени соҳиби Саидаҳмад Лақаев...
23-09-2022, 23:57

Россия ҳарбий хизматга мажбур бўлган россияликларга нисбатан Жиноят кодексига ўзгартиришлар киритди

Россия Федерацияси Давлат Думаси ҳарбий хизматга мажбур бўлган россияликларга нисбатан Жиноят кодексига ўзгартиришлар киритди. Енди...
20-09-2022, 17:40
1

Депутатлар сайёр қабулида қувасойлик фуқароларнинг мурожаатлари ижобий ечим топилди

Қувасой шаҳар халқ қабулхонасида халқ депутатлари қувасой шаҳар кенгаши котибияти ташаббуси билан навбатдаги "депутатлар сайёр қабули"...
20-09-2022, 17:31
Ўзбекистон янгиликлари » Сиёсат » Тошкент туманида ёшлар етакчилари партия сафдошларига айланди