Ўзбек тили мақомини янада оширайлик!

Ўзбек тили мақомини янада оширайлик!
Сўнгги йилларда ўзбек тили ва адабиётини ривожлантиришга, тилимизнинг давлат тили сифатидаги нуфузини оширишга қаратилган қатор а самарали ишлар амалга оширилмоқда. Соҳанинг ҳуқуқий асослари мустаҳкамланиши давлат тили нуфузини янада оширди.

O'zLiDeP Ангрен шаҳар Кенгаши ташаббускорлигида ўтказилган навбатдаги тадбир ҳам 21 октябрь – Ўзбек тилига давлат тили мақоми берилган сана ҳамда ўзбек тилининг нуфузини янада ошириш масалаларига бағишланди.

Ангрен Тиббиёт коллежида ташкил этилган тадбирда халқ депутатлари шаҳар Кенгашидаги партия депутатлари, партия фаоллари, “Янги ҳаёт” МФЙ аҳолиси, ёшлар етакчилари ҳамда коллежнинг профессор-ўқитувчилари иштирок этишди.

Тадбирда сўз олган партия Ангрен шаҳар Кенгаши аппарати раҳбари Муқадам Нарбаева қадимий тиллардан бири сифатида эътироф этилаётган ўзбек тили халқимиз учун миллий қадрият, ўзликни англаш, мустақил давлатчилик тимсоли, маънавий бойлик бўлиш билан бирга, халқимиз ҳаётидаги сиёсий-ижтимоий, маънавий-маърифий тараққиётида муҳим аҳамият касб этиб бораётгани хусусида тўхталди.

Бугун давлатимиз раҳбари Шавкат Мирзиёев бошчилигида тилимизни асраб-авайлаш ҳамда мақомини янада юксалтириш мақсадида қонун, бир нечта фармонлар қабул қилинганини алоҳида эътироф этилди. Қонун билан “Ўзбек тили байрами куни” белгилангани ҳам бежиз эмаслигини таъкидланди. Тилга бўлган эътибор амалиётга кўчирилиб, мустақил давлатчилик тимсоли, бебаҳо маънавий бойлик, буюк қадриятга айланганини қайд этди.

Ўзбек тилининг миллатимиз ёшлари ҳаётида тутган ўрни борасида фикр юритаркан, сўзини Исҳоқхон тўра Ибратнинг бир аср олдин айтган сўзларидан иқтибос келтириш билан якунлади. “Бизнинг ёшлар, албатта, бошқа тилларни билиш учун саъй-ҳаракат қилсинлар, лекин аввал ўз она тилини кўзларига тўтиё қилиб, эҳтиром кўрсатсинлар. Зеро, ўз тилига садоқат – бу ватаний ишдир”! Алломанинг ушбу сўзлар бугун ҳам ўз аҳамиятини йўқотмаганига эътибор қаратди.

Тадбирда коллежнинг 18-21-гуруҳ ўқувчилари йиғилганларга ўзлари тайёрлаган байрам дастурларини намойиш этишди. Унда Она Ватан, Истиқлол, Она тили мадҳ этилган куй-қўшиқлар, шеърлар ижро этилди.

Тадбир сўнгида партия шаҳар Кенгаши аппарати раҳбари Муқадам Нарбаева коллежнинг бир гуруҳ ўқувчиларини партиянинг ташаккурномалари билан тақдирлаб, эсдалик совғаларини улашди.

Зухро Мирзоҳамдамова,
O'zLiDeP Тошкент вилоят кенгаши бўлим мудири

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Сиёсат » Ўзбек тили мақомини янада оширайлик!