O'zLiDeP Сиёсий Кенгаши Ижроия қўмитасининг навбатдаги йиғилиши бўлиб ўтди

O'zLiDeP Сиёсий Кенгаши Ижроия қўмитасининг навбатдаги йиғилиши бўлиб ўтди
Жорий йилнинг 8 ноябрь куни Тадбиркорлар ва ишбилармонлар ҳаракати – Ўзбекистон Либерал-демократик партияси Сиёсий Кенгаши Ижроия қўмитасининг навбатдаги йиғилиши бўлиб ўтди. Унда O'zLiDeP Сиёсий Кенгашининг XI мажлисини чақириш ҳамда партия фаолиятинининг бир қатор ташкилий жиҳатлари билан боғлиқ масалалар кўриб чиқилди.

Биринчи масала муҳокамасидан кейин партия Сиёсий Кенгашининг навбатдаги мажлисини 2022 йил 14 ноябрь куни Тошкент шаҳрида чақириш бўйича қарор қабул қилинди, унинг кун тартибига киритиладиган масалалар кўриб чиқилди.

Ижроқўм йиғилишида шунингдек Ўзбекистон Либерал-демократик партияси фаоллари ва партия депутатик корпуси вакилларининг одоб-аҳлоқ қоидаларига риоя этиши масаласи ҳам кенг муҳокама қилинди.

Бундай муҳокамага ўтган ҳафтада O'zLiDePнинг собиқ аъзоси, халқ депутатлари Қамаши туман кенгаши депутати Нуртоев Панжи Норбоевич томонидан йўл қўйилган ва кенг жамоатчиликнинг салбий муносабатига сабаб бўлган ножўя хатти-ҳаракатлари сабаб бўлди.

Сўзга чиққанлар партия сафига киришга, у томонидан депутатликка номзоди кўрсатилишига рози бўлган ҳар бир шахс шу қарори билан ўз зиммасига жуда катта масъулиятни ҳам олишини ва бутун кейинги фаолияти давомида зиммасидаги масъулият юкини ҳис қилган ҳолда ҳаракат қилиши лозимлигини таъкидлаб ўтишди. Чунки, эндиликда унинг ҳар бир хатти -ҳаракати туфайли нафақат унинг ўзига, балки вакили бўлган сиёсий партияга ҳам баҳо берилиши айтиб ўтилди. Ваҳоланки, ўз хатти-ҳаракати билан сиёсий партия номига доғ туширишга партия аъзоларининг ҳам, ундан номзоди кўрсатилган депутатларнинг ҳам ҳаққи йўқлиги таъкидланди.

Бундай масъулият айниқса, O'zLiDeP партияси фаоллари, шу партиядан сайланган депутатлар учун янада юқори эканлиги, демак ҳар бир партия фаолининг қилаётган иши, гапираётган гапи мана шу масъулиятга мос бўлиши лозимлиги таъкидланди.

Йиғилиш иштирокчилари ушбу қоидаларнинг барчаси “O'zLiDeP фаолиянинг одоб-аҳлоқ кодекси”да акс этганлиги, унда белгиланган нормалар орасида партия фаоллари ва депутатлик корпуси вакиллари томонидан партия номига доғ тушириши мумкин бўлган хатти-ҳаракатларга йўл қўймаслик, ўз фаолиятида қонунга зид бўлган усулларни қўлламаслик, турли баёнотлар, фикрлар билдирилишида кейинчалик ушбу фикрлар у вакили бўлган партия номига боғлаб талқин килинишини чуқур англаган ҳолда асоссиз, жамиятда қабул қилинган аҳлоқ нормаларига зид фикрлар билдириш, баёнотлар қилишдан ўзини тийиш каби ҳолатлар ҳам ўз аксини топганлиги эслатиб ўтилди.

П.Нуртоев иштирокида рўй берган ҳолат бошқа такрорланмаслиги учун ҳудудий кенгашларда партия фаоллари ва депутатлар иштирокида ушбу ҳолатни кенг муҳокама қилиш, партия фаолларининг одоб-аҳлоқ кодексида белгиланган қоидаларни тушунтириш ишларини кенгайтириш борасида тизимли фаолиятни йўлга қўйиш борасида келишиб олинди.

Бу ишларда партия худудий кенгашлари раҳбарларининг масъулиятини янада ошириш муҳимлиги таъкидланди.

Ижроия Қўмитаси аъзолари таклифлари асосида партиянинг барча ҳудудий кенгашлари қошида одоб-аҳлоқ комиссиясини тузишга келишиб олинди.

Муҳокама қилинган барча масалалар юзасидан тегишли қарорлар қабул қилинди.

Ўхшаш янгиликлар

Мақола бўйича муносабатингизни билдиринг. Бизга Сизнинг фикрингиз жуда муҳим. Раҳмат!

Сўнгги янгиликлар

«Сирли одам» — Мурали Лал Жаланнинг Minerva City бўйича интервьюси баҳсларга сабаб бўлмоқда. Лал Жалан аслида ким?

Ҳиндистонлик инвестор Мурали Лал Жалан «Kun.uz»га берган интервьюсида Minerva City’га ер ажратишда ҳокимликлар амалдаги тартибни бузгани...
Бугун, 09:04

Эрон Исроилга қарши урушда нишонга оладиган объектлар рўйхати эълон қилинди

Эрон Ислом инқилоби қўриқчилари корпусига яқин бўлган оммавий ахборот воситалари келажакда Исроил билан урушда нишонга олиниши мумкин...
Бугун, 09:00

Мексикада 6 см думи бўлган чақалоқ туғилди

Мексиканинг Нуэво-Леон штатидаги касалхонада олти сантиметрлик дум билан соғлом бола дунёга келди. Бу ҳақда Daily Mail хабар берди. Маълум...
Бугун, 08:58

Навоийда кондаги портлашда экскаватор ҳайдовчиси вафот этди

Бундан ташқари, экскаватор кабинасида бўлган машинист ёрдамчиси бўйин ва ўнг қўл кафт соҳаси 1 ва 2-даражали куйиши тан-жароҳати олган....
Бугун, 08:54

Ўзбекистонликлар сайёҳлик йўналишида энг кўп қайси давлатларга чиққан?

2022 йилнинг 1 ноябрь ҳолатига 4,4 млн нафар Ўзбекистон Республикаси фуқаролари туристик мақсадларда хорижга сафар қилган. Давлат...
Бугун, 08:51
Ўзбекистон янгиликлари » Сиёсат » O'zLiDeP Сиёсий Кенгаши Ижроия қўмитасининг навбатдаги йиғилиши бўлиб ўтди