Бугун барчамиз мамлакатимиз раҳбари Шавкат Мирзиёевнинг Олий Мажлисга ва Ўзекистон халқига мурожаатномасини тингладик.
Мурожаатномада қатор долзарб масалалар қаторида депутатларга берилган катта ваколат ва имкониятлардан самарали фойдаланиш лозимлигига алоҳида эътибор қаратилди.
Президентимиз ўринли қайд этганидек, сўнгги йилларда кўп ваколатлар Олий Мажлисга ўтказилди, уларни янада кенгайтириш борасида изчил чора-тадбирлар олиб борилмоқда.
Ўз навбатида биз ҳам халқ ноибларининг ваколатларини кенгайтириш йўлидаги саъй-ҳаракатларга лаббай деб жавоб беришимиз лозим. Юрт тақдирига дахлдор бўлиб, халқимизни рози қилиш учун ҳаммамиз биргаликда ишлашимиз керак!
Мамлакатимиз раҳбари 2023 йилга "Инсонга эътибор ва сифатли таълим" йили деб ном берди.
Давлатимиз раҳбари тараққиётнинг асосий негизи бўлган таълим соҳасида бошлаган ислоҳотларимизни давом эттиришимиз, таълим даргоҳларига бориб, ўқитувчи ва мураббийлар билан кўпроқ мулоқот қилиб, сифатни ошириш бўйича улар қўйган масалаларни биргаликда ҳал қилишимиз кераклигини ҳам таъкидлади. 2023 йилдан мактаб таълимини халқаро таълим дастурлари асосида бутунлай ислоҳ қилиш бошланишини қайд этди.
Ушу жараёнда ҳам депутат ва сенаторлар, маҳалла вакиллари, зиёлилар, ёшлар, тадбиркорлар ва кенг жамоатчилигимиздан фаол бўлишларини, янги-янги таклиф ва ташаббуслар билдиришларини сўради.
Бу мамлакатнинг эртанги куни учун ўзини дахлдор деб билувчи барчамизнинг зиммамизга улкан масъулият юклайди.
Ўйлайманки, Тошкент вилоятида фаолият юритаётган барча партия ташкилотларимиз, депутатларимиз мазкур олий мақсад йўлида жипслашиб, биргаликда амалга оширамиз.
Ўқитувчи ва мураббийларнинг нуфузи ва мақомини янада ошириш, таълим сифатини яхшилашда бир тан-у жон бўлиб, ҳаракат қиламиз! Зотан, Президентимиз таъкидлаганидек, «Таълим сифатини ошириш – Янги Ўзбекистон тараққиётининг яккаю ягона тўғри йўлидир!
Тўлқинжон Файзиев,
O’zLideP Тошкент вилоят Кенгаши раиси,
Халқ депутатлари Тошкент вилояти Кенгашидаги
партия депутатлик гуруҳи раҳбари.
