Вазирлар Маҳкамасининг Ўзбекистон Республикаси Президенти Администрацияси Транспорт қисми хизмат автомашиналаридан самарали фойдаланиш мақсадидаги фармойиши қабул қилинди.
Ҳужжат билан Ўзбекистон Республикаси Президенти Администрациясининг Молиявий-хўжалик департаменти ва Ўзбекистон Республикаси Президенти ҳузуридаги Ўзбекистон Республикаси биринчи президенти Ислом Каримов номидаги Илмий-маърифий мемориал мажмуанинг:
Ўзбекистон Республикаси Президенти ҳузуридаги Ўзбекистон Республикаси биринчи президенти Ислом Каримов номидаги Илмий-маърифий мемориал мажмуа томонидан Ўзбекистон Республикаси Президенти Администрацияси Транспорт қисмига 2016 йилда ишлаб чиқарилган, фойдаланишда бўлган Cadillac XTS автомашинасини;
Ўзбекистон Республикаси Президенти Администрацияси Транспорт қисми томонидан Ўзбекистон Республикаси Президенти ҳузуридаги Ўзбекистон Республикаси биринчи президенти Ислом Каримов номидаги Илмий-маърифий мемориал мажмуага 2018 йилда ишлаб чиқарилган, фойдаланишда бўлган Lacetti автомашинасини топшириш тўғрисидаги таклифларига розилик берилди.
Ўзбекистон Республикаси бош вазири Абдулла Арипов 2019 йил 27 апрель куни бу ҳақдаги ҳужжатни имзолади, дея хабар қилди kun.uz.