Қозоғистонда россиялик санъаткор Максим Галкиннинг концертлари бекор қилинди. Бу ҳақда Хабар нашри хабар бермоқда.
Концертнинг бекор қилинишига техник сабаблар рўкач қилинган. Галкиннинг концерти 8 октябр куни Остонадаги Қозоғистон марказий концерт залида бўлиб ўтиши керак эди. Бироқ манбага кўра, 4 октабрдан 10 октабргача бинода сув таъминоти тармоқларида техник ишлар олиб борилади.
Галкиннинг навбатдаги чиқиши 9 октябр куни Олмаотадаги Республика саройида бўлиб ўтиши керак эди. Нашр таъкидлаганидек, 1 октябр куни концерт залининг маъмурияти авария ҳолати туфайли ёпилишини маълум қилган. Раҳбариятга кўра, таъмирлаш ишлари тахминан икки ҳафта давом этади.
