Владимир Жириновский Россия Давлат думасида “баёнот соати”да Россия ташқи сиёсатини Ўрта Осиё давлатлари билан ҳамкорликни кучайтириш томонга ўзгартириши кераклиги ҳақида гапирди, бу ҳақда “Парламентская газета” хабар қилмоқда.
ЛДПР фракцияси раҳбарининг фикрича, ушбу минтақага кўпроқ эътибор бериш керак.
“Марказий Осиёда Болтиқбўйи ва Украинадаги русларга бўлаётган муносабатга қараганда жуда яхши муносабатда бўлишади. Лекин ушбу минтақага кам эътибор берилмоқда. Масалан, Ўзбекистонга сўнгги 25 йил ичида биронта Россия делегацияси ташриф буюргани йўқ”, - деди Жириновский.
Манбанинг ёзишича Жириновский 2001 йилдаёқ МДҲ давлатлари билан алоқани кучайтиршни айтган, “лекин орадан 17 йил ўтган бўлса ҳам ташқи сиёсат ҳали ҳам ўзгаргани йўқ”.
Эслатиб ўтамиз, ЛДПР фракцияси раҳбари жорий йил 2-3 ноябрь кунлари Ўзбекистонда бўлди.
