Ўзбекистон Коллектив хавфсизлик шартномаси ташкилотининг Парламент ассамблеяси мажлисларида кузатувчи давлат сифатида иштирок этиши мумкин дея хабар қилмоқда Российская газета. Россия Давлат думаси спикери Вячеслав Володин Олий Мажлис Сенати спикери Ниғматилла Йўлдошевга бу ҳақидаги таклиф билан чиқди.
Москвадаги учрашувда Володин ўтган йиллар давомида Ўзбекистона ва Россия давлатлари ўртасидаги парламентлараро муносабатлар яхши ривожланганани таъкидлади. Шу муносабат билан у эндиликда муносабатларни КХШТ доирасида ҳам ривожлантиришни таклиф этди.
Володин агар Ўзбекистон делегацияси ассамблеянинг мажлисларида иштирок этса Давлат думаси буни маъқуллашини айтиб ўтди.
Шунингдек, Ўзбекистон парламенти билан хавфсизлик, наркотрафикка қарши курашишда тажриба алмашишни таклиф қилди.
Ҳозирда мазкур ташкилотда Афғонистон ва Сербия кузатувчи давлатлар мақомига эга. КХШТга Россия, Арманистон, Белоруссия, Қозоғистон, Қирғизистон ва Тожикистон давлатлари аъзо. Ўзбекистон мазкур ташкилотда 2012 йил декабрь ойида аъзоликни тўхтатган.
