Миллий гвардия суриштирув олиб борувчи ҳамда терговга қадар текширувни амалга оширувчи органлар қаторига қўшилмоқда

14-05-2019, 10:33
Сиёсат
Миллий гвардия суриштирув олиб борувчи ҳамда терговга қадар текширувни амалга оширувчи органлар қаторига қўшилмоқда
Жорий йилнинг 13 май куни Олий Мажлис Қонунчилик палатаси Мудофаа ва хавфсизлик масалари қумитасининг мажлиси бўлиб ўтди. Унда “Ўзбекистон Республикаси Жиноят процессуал кодексига ҳамда Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги Қонун лойиҳасининг иккинчи ўқишда кўриб чиқиш учун тайёрланган таҳрири муҳокама этилди. Бу ҳақда EVERYDAY.UZ мухбири хабар қилди.

Қонун лойиҳаси Ўзбекистон Республикаси Президентининг 2017 йил 17 августдаги Қарори негизида ишлаб чиқилган. Мажлисда ўтган қисқа давр ичида Миллий гвардия мамлакатимизда жамоат хавфсизлигини таъминлаш, инсон ҳуқуқ ва эркинликларини ҳимоя қилиш, аҳолини турли хатарларидан, жиноий ва бошқа ноқонуний хатти-ҳаракатлардан муҳофаза қилишга қодир муҳим органга айланганди Бу борадаги вазифаларни самарали амалга ошириш, жамоат тартибини сақлаш учун масъул бўлиш бу соҳа вакилларига ҳам қўшимча ҳуқуқий таъсир чорасини берувчи ваколат механизмлари жорий этилишини тақазо этади.

Бош прокуратура томонидан қонунчилик ташаббуси ҳуқуқи асосида киритилиб, яқинда Қонунчилик палатаси томонидан биринчи ўқишда қабул қилинган ва иккинчи ўқишда кўриб чиқиш учун тайёрланган ушбу Қонун лойиҳасида Жиноят-процессуал кодексида Миллий гвардияни суриштирув олиб бориш ваколатига эга бўлган, шунингдек терговга қадар текширувни амалга оширувчи органлар қаторига қўшиш белгиланмоқда.

Шунингдек, Жиноят кодекси 2501-моддасининг биринчи қисмида (божхона тўғрисидаги қонун ҳужжатларини бузиш билан боғлиқ жиноятлардан ташқари) ва 2591-моддасида назарда тутилган жиноятлар бўйича суриштирув Миллий гвардия суриштирувчилари томонидан олиб борилиши назарда тутилмоқда.

Яна бир муҳим жиҳат Маъмурий жавобгарлик тўғрисидаги кодексда Миллий гвардиянинг мансабдор шахслари томонидан бир қатор ҳолатларда, яъни 1851-моддада (пиротехника буюмларининг қонунга хилоф муомаласи) ва 2101-моддада (ўта муҳим ва тоифаланган объектларга кириш-чиқиш режимини бузиш ёки ушбу объектларнинг қўриқланишини таъминлашга доир мажбуриятларни бажармаслик) назарда тутилган ҳуқуқбузарликлар аниқланган тақдирда, маъмурий ҳуқуқбузарлик тўғрисида баённома тузилиб, баённомани илова қилинадиган материаллар билан биргаликда кўриб чиқиш учун судга юборилишини белгилашга оид янги нормалар мустаҳкамланмоқда.

Қўмита йиғилишида иккинчи ўқишда кўриб чиқиш учун тайёрланган қонун лойиҳаси барча сиёсий патияларнинг Қонунчилик палатасидаги фракцияси аъзолари ҳамда тегишли эксперт ва мутахассислар томонидан қўллаб- қувватланди. Яқин кунларда мазкур қонун лойиҳасини маромига етказиб, депутатлар муҳокамасига иккинчи ўқишда киритиш ҳақида қўмита қарори қабул қилинди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Зебо Наврўзова ўғли Шоҳруҳхонни ўлдириш билан таҳдид қилганлар ҳозир қамоқда эканини айтди (ВИДЕО)

Режиссер Зебо Наврўзова ОАВга берган интервьюсида унга бўлган таҳдидлар ҳақида гапирди. Наврўзованинг айтишича, у...
Бугун, 21:49

Ўзбекистонда коронавирусга чалинганлар орасида аёллар кўпчиликни ташкил этмоқда

Соғлиқни сақлаш вазирлиги мамлакатда коронавирусга чалинганлар ҳақида батафсил маълумот берди. Маълум бўлишича, вирусни...
Бугун, 19:29

Видео: Озодбек Назарбеков коронавирусга атаб қўшиқ куйлади

Ўзбекистон халқ артисти, Маданият вазири Озодбек Назарбеков янги қўшиқ куйлади. Қўшиқ тармоқларда кенг тарқалмоқда....
Бугун, 18:26

Видео: Хоразмлик йигит кўчада "пул ёмғири"ни уюштирди

Хоразмлик йигит кўчада "пул ёмғири"ни уюштирди. Воқеа видеоси телеграм каналларда тарқалди. Видеода ёш йигит ўзининг...
Бугун, 18:13

Автомашинага рухсатнома бериш учун ариза қабул қилиш вақтинча тўхтатилди

Давлат хизматлари агентлиги автомабилларга рухсатнома бериш бўйича аризаларни қабул қилишни вақтинча тўхтатди. Бу...
Бугун, 18:01